కిక్ బాక్సింగ్ తో కత్రినా బిజీ బిజీ…

కరోనా తర్వాత సినిమా షూటింగ్ లు ప్రారంభమైనాయి. బాలీవుడ్లో సినిమాల మళ్లీ జోరందుకున్నాయి. వరుసగా సినిమాలు లైన్ లోకి ఎక్కాయి. వాటిలో బాలీవుడ్ టాప్ హీరోల సినిమాలు కూడా ఉండటం విశేషం.
ముఖ్యంగా సల్మాన్ ఖాన్ వరుస సినిమాలు చేస్తూ చాలా బిజీగా ఉన్నారు. అంతిమ్ సినిమాను పూర్తి చేసుకుంటున్న సల్మాన్, తర్వాతి సినిమా సన్నాహాలు కూడా స్టార్ట్ చేసేశారు. సల్మాన్ ఖాన్ తర్వాతి సినిమా టైగర్ 3. ఈ సినిమాలో యాక్షన్ హీరోయిన్ కత్రినా కైఫ్ హీరోయిన్ గా నటిస్తోంది.
అయితే తాజాగా అందుతున్న సమాచారాన్ని బట్టి ఈ సినిమా కోసం కత్రినా కైఫ్ ప్రత్యేక శిక్షణ తీసుకుంటున్నట్లు తెలుస్తోంది. ఈ సినిమాలో సీక్రెట్ ఏజెంట్ పాత్రలో కత్రినా మెరవనుంది. కత్రీనా ఆ పాత్రకు కావలసిన శిక్షణను తీసుకుంటుంది కూడాను. కిక్ బాక్సింగ్, హ్యండ్ టు హ్యాండ్ కాంబాట్లోని మెళకువలను నేర్చుకుంటునంది కత్రినా. కాగా ప్రస్తుతం ఈ వార్త బాలీవుడ్ సినీ సర్కిల్స్లో వైరల్ అవుతోంది. ఈ సినిమా షూటింగ్ ఈనెల 8 నుంచి ప్రారంభం కానుంది. ఈ సినిమా మొదటి షేడ్యూల్లో కత్రినా భారీ స్టంట్స్ చేయనున్నట్లు టాక్ నడుస్తోంది. ఈ సినిమాపై అభిమానుల్లో భారీ అంచనాలు నెలకొన్నాయి. మరి ఈ సినిమా సల్మాన్, కత్రినా అభిమానుల అంచనాలను ఎంతవరకు చేరుకుంటుందో వేచి చూడాలి.