కాంగ్రెస్ సీనియర్ నేత ఎంఎస్ఆర్ మృతి.. కేసీఆర్ సంతాపం..

తెలంగాణ కాంగ్రెస్ సీనియర్ నేత మాజీ మంత్రి, మాజీ ఆర్టీసీ చైర్మన్ ఎం సత్యనారాయణరావు కరోనాతో కన్నుమూశారు. గత కొన్ని రోజులుగా కరోనా బారిన పడిన ఆయన చికిత్స పొందూతూ మృతి చెందాడు.
అయితే ఆయనకు ఉన్నట్టుండి సీరియస్ కావడంతో కుటుంబసభ్యులు ఆదివారం రోజున చికిత్స కోసం నిమ్స్ కు తరలించారు. కానీ.. నిమ్స్ లో చికిత్స పొందుతూ ఈ తెల్లవారుజామున 3.45 గంటలకు అయన తుదిశ్వాస విడిచినట్టు కుటుంబసభ్యులు పేర్కొన్నారు. కాగా కాంగ్రెస్ సీనియర్ నేత ఎంఎస్ఆర్ మరణం పట్ల ముఖ్యమంత్రి కె. చంద్రశేఖర్ రావు సంతాపం వ్యక్తం చేశారు. తెలంగాణ వాదిగా, ఎంపీగా, ఉమ్మడి రాష్ట్రంలో మంత్రిగా, ఆర్టీసీ చైర్మన్ గా ఎమ్మెస్సార్ ప్రత్యేక శైలి కనబరిచారని, రాజకీయాల్లో ముక్కుసూటి మనిషిగా పేరొందారని సీఎం కేసీఆర్ గుర్తు చేసుకున్నారు. అలాగే దివంగత ఎమ్మెస్సార్ కుటుంబ సభ్యులకు సీఎం కేసీఆర్ తన ప్రగాఢ సానుభూతిని తెలపడం విశేషం.