కర్నాటక సీఎం మార్పుపై సుబ్రహ్మణ్య స్వామి హాట్ కామెంట్స్…!
కర్ణాటక సీఎం మార్పు జరగనుందహో అంటూ గత కొన్ని రోజులుగా హాట్ టాపిక్ నడుస్తోంది. కర్నాటకలో నాయక్వ మార్పులు ఉండవచ్చని కొంత కాలంగా వార్తలు హల్ చల్ చేస్తున్నాయి. అయితే ఈ వార్తల్లో ఎంత వరకు నిజం ఉందనేది పక్కనబెడితే ఈ విషయంపై చర్చ మాత్రం బాగానే సాగుతుంది.
ముఖ్యంగా కర్నాటక ముఖ్యమంత్రిని మారిస్తే ఇబ్బందులు వస్తాయని, రాష్ట్రంలో బీజేపీ అధికారంలోకి రావడం కష్టం అవుతుందని కొందరు వాదిస్తున్నారు. అలాగే అధిష్టానం కూడా యడ్డియూరప్పను మార్చేందుకు అంతటి సాహసం చేయలేకపోతుంది. కర్ణాటక తాజా రాజకీయాలపై బీజేసీ సీనియర్ నేత సుబ్రహ్మణ్యస్వామి స్పందించారు. ఆయన ఏమన్నారంటే… కర్ణాటకలో ముఖ్యమంత్రిని మార్చడం పెద్ద సాహసమే అవుతుందని, రాష్ట్రంలో తొలిసారి బీజేపీ అధికారంలోకి రావడానికి ప్రధాన కారణం యడ్డియూరప్ప అని తెలిపారు. అంతేకాకుండా ఆయన సత్తా కలిగిన నేత అని కూడా కితాబు ఇచ్చారు. యడ్డియూరప్ప లేనందువలనే 2013లో అధికారం దక్కలేదని, ఇప్పుడు మరోసారి ఆ తప్పు చేస్తారని అనుకోవడం లేదని సుబ్రహ్మణ్యస్వామి స్పష్టం చేయడం రాజకీయ వర్గాల్లో ఈ అంశం మరింత చర్చనీయాంశం అయింది.