కమల హాసన్ పోటీ అక్కడ నుంచే…
తమిళనాడులో ఎన్నికల ప్రచారం పెద్ద ఎత్తున ఊపందుకుంది. తమిళనాడు అసెంబ్లీ ఎన్నికల్లో ఈసారి కమల్ హాసన్ పార్టీ కూడా పోటీ చేస్తున్న విషయం తెలిసిందే. ఈ ఎన్నికల్లో పోటీ చేసే అభ్యర్థుల జాబితాను వరసగా రిలీజ్ చేస్తున్నారు కమల్ హాసన్. మక్కల్ నీది మయ్యం పార్టీ రెండో జాబితాను కూడా అప్పుడే ప్రకటించారు.
అదేవిధంగా ఈ జాబితాలో కమల్ హాసన్ పేరు కూడా ఉండటంతో కార్యకర్తల్లో ఉత్సాహం నెలకొంది. దక్షిణ కోయంబత్తూరు నియోజక వర్గం నుంచి కమల్ హాసన్ పోటీ చేస్తున్నారు. ఈ ఎన్నికల్లో విజయమే లక్ష్యంగా కమల్ హాసన్ బరిలోకి దిగుతున్నట్లు తెలుస్తోంది. దక్షిణ కోయంబత్తూరు నియోజకవర్గం ప్రజలు తప్పకుండా తనను గెలిపిస్తారనే నమ్మకంతో ఉన్నట్టు కమల్ హాసన్ స్పష్టం చేశారు. తొలిసారి కమల్ హాసన్ ఎన్నికల్లో పోటీ చేయబోతుండటంతో కార్యకర్తల్లో ఆసక్తి నెలకొంది.