ఏపీ పోలీసులకు ఉగాది పురస్కారాలు

ఆంధ్రప్రదేశ్ పోలీసులకు జగన్ ప్రభుత్వం ఉగాది పురస్కారాలను ప్రకటించిది. విధుల్లో ఉత్తమ పనితీరు, ఉత్తమ ప్రతిభ కనబరిచిన పోలీసులకు ఉగాది సందర్బంగా ఏపీ ప్రభుత్వం ఉగాది పురస్కారాలను వెల్లడించడం విశేషం.
అయితే అందుకు సంబంధించి ఏపీ ప్రభుత్వం కీలక ఉత్తర్వులు జారీ చేసింది. 2020, 2021 ఉత్తమ పురస్కారాలకు ఎంపికైన వారి జాబితాలను ప్రభుత్వ ముఖ్య కార్యదర్శి కుమార్ విశ్వజీత్ సోమవారం విడుదల చేశారు. ఏపీ పోలీస్, ఫైర్ సర్వీసెస్, విజిలెన్స్ అండ్ ఎన్ ఫోర్స్ మెంట్, స్పెషల్ ప్రొటెక్షన్ ఫోర్స్ విభాగాల్లో ఉత్తమ సేవలందించిన అధికారులకు పతకాలను ప్రకటించారు. కాగా ఈ పురస్కారాలను సిఎం వైఎస్ జగన్ చేతుల మీదుగా పోలీసులకు అందజేయనున్నారు. ఈ ఉగాది పర్వదినం సందర్భంగా 583 మందికి పతకాలు ప్రకటించడం విశేషమే.