ఎన్బీకే 107- త్వరలోనే వేట ఆరంభం…
టాలీవుడ్ నటసింహం నందమూరి బాలకృష్ణ పుట్టినరోజు ఈరోజు. ఈ సందర్భంగా అభిమానులతో పాటు సినీ ప్రముఖుల ద్వారా బాలయ్యకు శుభాకాంక్షలు వెల్లువెత్తుతున్నాయి. తాజాగా ఆయన నటిస్తున్న సినిమాల నుంచి కూడా సర్ప్రైజ్ లు వచ్చేస్తున్నాయి.
అయితే ఇప్పటికే బాలకృష్ణ-బోయపాటి శ్రీను సినిమా నుంచి ‘అఖండ’ న్యూ పోస్టర్ విడుదలైన విషయం తెలిసిందే. తాజాగా దర్శకుడు గోపీచంద్ మలినేనితో #NBK107 సినిమా ఉండనుందని నిర్మాణసంస్థ మైత్రి మూవీ మేకర్స్ అధికారిక ప్రకటన చేసింది. కాగా ఈ క్రేజీ ప్రాజెక్ట్ పై చిన్న వీడియోతో నందమూరి అభిమానులను సర్ప్రైజ్ చేశారు. దీంతో త్వరలోనే నటసింహ వేట ప్రారంభం కానుందని తెలపకనే తెలిపినట్లైంది. క్రాక్ సినిమాతో సూపర్ సక్సెస్ అందుకున్న గోపీచంద్ మలినేని ఈ సినిమా కోసం ఎక్కువగా కసరత్తులు చేస్తున్నారని తెలుస్కోంది. మరి ఈ సినిమాకి థమన్ సంగీతాన్ని అందిస్తుండటం విశేషం.