ఇంతకీ ఎవరి సినిమాలో కీర్తి సురేష్..?
స్టార్ హీరోయిన్ కీర్తి సురేష్ మహానటితో మంచి పాపులారిటీని సంపాదించుకుంది. ఆ తర్వాత ఆ ముద్దుగుమ్మకు అంతటి స్థాయిలో హిట్ రాలేదు. వరుస సినమాలతో దూసుకుపోతున్న ఈ బ్యూటీ.. ప్రస్తుతం ‘గుడ్ లక్ సఖి’ సినిమాతో పాటుగా ‘మరక్కార్’ అనే మలయాళ మూవీ విడుదలకు రెడీగా ఉన్నాయి. అలాగే సూపర్ స్టార్ మహేష్ బాబు సరసన ‘సర్కారు వారి పాట’తో పాటు రజినీకాంత్ ‘అన్నాత్తే’ సినిమాలో కీలక పాత్రలో నటిస్తోంది కీర్తి సురేష్.
అదేవిధంగా కీర్తి తమిళంలో మరో బిగ్ ఆఫర్ ను పొందినట్లు తెలుస్తోంది. విజయ్ హీరోగా నటించే సినిమాలో ఆమె నటిస్తుందని సమాచారం అందుతుంది. ఇప్పటికే విజయ్తో ఓసారి కీర్తి సురేష్ కలిసి నటించింది. అయితే.. కీర్తి ప్రస్తుతం విజయ్ తో నటించే సినిమా దర్శకుడు ఎవరనేది ఇంకా క్లారిటీ రాలేదు. వంశీ పైడిపల్లి, లోకేష్ కనగరాజ్ దర్శకత్వంలో విజయ్ నటించనున్న విషయం తెలిసిందే. మరి ఏ సినిమాలో కీర్తి నటిస్తున్నారనే దానిపై ఇంకా క్లారిటీ రాలేదు. కాగా.. వంశీ పైడిపల్లి-విజయ్ కాంబినేషన్ లోనే కీర్తి నటించనుందనే ప్రచారం మాత్రం ఎక్కువగా జరుగుతోంది. మరి ఎవరి సినిమాలో కీర్తి నటిస్తుంది అనేదానిపై అధికారికంగా వెలువడాల్సి ఉంది.