ఆ దేశానికి వెళ్లకండి.. అమెరికా హెచ్చరిక…..

కరోనా వైరస్ వివిధ రూపాల్లో ఇంకా ప్రపంచ దేశాలను కుదిపేస్తుంది. ముఖ్యంగా ప్రపంచంలో డెల్టా వేరియంట్ తీవ్రంగా విజృంభిస్తోంది. అన్నింటికంటే ముఖ్యంగా ఇంగ్లాండ్ దేశంలో ఈ వేరియంట్లు వేగంగా వ్యాపిస్తున్నాయి. ఈనెల 19 నుంచి ఆ దేశంలో లాక్డౌన్ ఆంక్షలను కూడా సడలించారు. మాస్క్ విషయంలో కూడా సడలింపులు ఇవ్వడంతో పెద్ద సంఖ్యలో ప్రజలు బయటకు వస్తున్నారు.

అదేవిధంగా గుంపులుగుంపులుగా ప్రజలు బయటకు వస్తుండటం, మాస్క్ కూడా ధరించక పోవడంతో డెల్టా వేరియంట్లు వేగంగా వ్యాపిస్తున్నాయి. కాగా గడిచిన వారం రోజుల కంటే ఆదివారం రోజున కేసులు 52శాతం పెరిగినట్టు నివేదికలు చెప్తున్నాయి. దీంతో అమెరికా ప్రభుత్వం కీలక నిర్ణయం తీసుకుంది. బ్రిటన్ అత్యవసర అయితే తప్ప వెళ్లొద్దని, ప్రయాణాలు వాయిదా వేసుకోవాలని హెచ్చరించిన అమెరికా ప్రభుత్వం ట్రావెల్ గైడ్ను అప్డేట్ చేయడం విశేషం.