ఆర్ఆర్ఆర్ తాజా అప్డేట్….!
బాహుబలి డైరెక్టర్ ఎస్.ఎస్.రాజమౌళి ఎంతో ప్రతిష్టాత్మకంగా తెరకెక్కిస్తున్న పీరియాడికల్ డ్రామా ‘ఆర్.ఆర్.ఆర్’. యంగ్ టైగర్ జూనియర్ ఎన్టీఆర్, మెగా పవర్ స్టార్ రామ్ చరణ్, అలియా భట్, ఒలివియా మోరిస్, అజయ్ దేవ్గన్ ప్రధాన పాత్రల్లో ఈ సినిమాలో నటిస్తున్నారు. అయితే ఈ మధ్యే రెండు పాటలు మినహా సినిమా షూటింగ్ పూర్తయ్యిందని మేకర్స్ అధికారికంగా ప్రకటించిన విషయం కూడా తేలిసిందే. తాజాగా ఈ సినిమాకు సంబంధించిన మరో క్రేజీ అప్డేట్ వచ్చేసింది. జూలై 6 నుండి ‘ఆర్ఆర్ఆర్’ చివరి దశ షూటింగ్ ప్రారంభం కానుంది. ఈ సాంగ్స్ మేకింగ్ కోసం భారీ సెట్లను నిర్మించారట. మొదటి పాట జూలై 10 నుంచి, రెండవ పాట నెల చివరి నుంచి షూటింగ్ జరుపుకోనుంది. అందులో ఒక సాంగ్ ఎన్టీఆర్, అలియా భట్ లపై ఉంటుందని తెలుస్తోంది. ఆగస్టు మొదటి వారంలో మొత్తం సినిమా షూటింగ్ ను పూర్తి చేయాలనే ఆలోచనలో ఉన్నట్లు తెలుస్తోంది.
అదేవిధంగా ఎం.ఎం.కీరవాణి సంగీతం అందిస్తున్న ఈ సినిమాకు సంబందించిన మిగతా పనులు కూడా శరవేగంగా జరుగుతున్నాయి. పోస్ట్ ప్రొడక్షన్, విజువల్ ఎఫెక్ట్స్, ఎడిటింగ్ సిజిఐ వర్క్ పలు స్టూడియోలలో పూర్తి స్థాయిలో జరుగుతున్నట్లు సమాచారం అందుతుంది. ఈ విషయాలను ప్రముఖ రచయిత కె.వి.విజేంద్ర ప్రసాద్ తాజాగా వెల్లడించారు. అంతేకాకుండా ఈ సినిమా అక్టోబర్ 13వతేదీన విడుదల కానుందని స్పష్టం చేశారు. ఇదే నిజమైతే సరైన సమయానికే ఆర్ఆర్ఆర్’ విడుదల కానుంది. కాగా డీవీవీ ఎంటర్టైన్మెంట్స్ నిర్మిస్తున్న ఈ సినిమా తమిళం, హిందీ, మలయాళం, కన్నడతో సహా పలు భాషల్లో విడుదల కానున్న విషయం తెలిసిందే.