ఆది పురుష్ కి సీతగా కృతి సనన్

రెబల్ స్టార్ ప్రభాస్ ఎంతో ప్రతిష్టాత్మకంగా తీసుకొని చేస్తున్న సినిమా ఆదిపురుష్. ఈ సినిమాకు సంబంధించిన ఆసక్తికరమైన అప్డేట్ ఒకటి వచ్చింది. అదేమంటే… ఆదిపురుష్ లో సీత పాత్రకు కృతి సనన్ ను ఎంపిక చేసింది చిత్రబృందం. ప్రభాస్ రాముడిగా నటిస్తున్నఈ సినిమాలో బాలీవుడ్ స్టార్ సైఫ్ అలీఖాన్ రావణాసురుడుగా నటిస్తున్నాడు. ఇన్నాళ్లు ఈ సినిమాలో సీత పాత్రలో ఎవరు నటిస్తున్నారనే దానిపై చాలా మంది పేర్లు ప్రముఖంగా వినిపించాయి. తాజాగా సీత పాత్రకు కృతి సనన్ ను ప్రకటించారు. తాజాగా ఆమె పేరు వెల్లడించిన ప్రభాస్.. ఆమెకు వెల్కమ్ చెప్తూ తన సోషల్ మీడియా ఖాతాలో పోస్ట్ పెట్టారు.
అయితే సినిమాలో ఎంతో ముఖ్యమైన లక్ష్మణుడి పాత్ర కోసం బాలీవుడ్ హీరో సన్నీ సింగ్ను తీసుకున్నట్లు తెలుస్తోంది. కాగా ఈ సినిమాకి బాలీవుడ్ డైరెక్టర్ ఓం రౌత్ దర్శకత్వం వహిస్తున్నారు. పాన్ ఇండియన్ సినిమాగా వస్తున్న ఈ సినిమా తెలుగు, తమిళ, హిందీ, మలయాళ, కన్నడ ఐదు భాషల్లో విడుదల కానుంది. వచ్చే ఏడాది ఆగస్ట్ 11న విడుదల కానున్న ఈ సినిమా టీ సిరీస్ బ్యానర్పై ఎంతో ప్రతిష్టాత్మకంగా భూషణ్ కుమార్, కృష్ణ కుమార్, ప్రసాద్ సుతార్, రాజేష్ నాయర్లు సంయుక్తంగా నిర్మిస్తున్నారు.