అధీరా కు కేజీఎఫ్ టీం… స్పెషల్ గా బర్త్ డే విషెస్….!

ప్రస్తుతం ఇండియాలో ప్రేక్షకులు ఎంతో ఆతృతగా ఎదురుచూస్తున్న సినిమా కేజీఎఫ్-2. యశ్, శ్రీనిధి శెట్టి నటించిన యాక్షన్ థ్రిల్లర్ డ్రామా ‘కేజీఎఫ్ : చాప్టర్ 2’ కు ప్రేక్షకుల్లో విపరీతంగా హైప్ క్రియేట్ అయింది. యష్ ‘రాకీ’గా నటించిన ఈ సినిమాలో బాలీవుడ్ నటులు సంజయ్ దత్, రవీనా టాండన్ లు కూడా నటించడంతో మరింత భారీ అంచనాలను రెట్టింపు చేసింది. అయితే సంజయ్ దత్ ఈ సినిమాలో విలన్ ‘అధీరా’ పాత్రను పోషిస్తుండడం హైలైట్ గా నిలిచే అంశమనే చెప్పాలి. కాగా ఈరోజు సంజయ్ దత్ పుట్టినరోజు సందర్భంగా ‘కేజీఎఫ్ : చాప్టర్ 2’ మేకర్స్ స్పెషల్ పోస్టర్ను విడుదల చేశారు. ఇది సోషల్ మీడియాలో వైరల్ గా మారింది. హోంబాలే ఫిల్మ్స్ అధికారిక ట్విట్టర్ లో ‘యుద్ధం పురోగతి కోసం ఉద్దేశించబడింది. రాబందులు కూడా నాతో అంగీకరిస్తాయి’ – అధీరా, హ్యాపీ బర్త్ డే సంజయ్ దత్’ అంటూ ఈ పోస్టర్ పై ఉంచడం ప్రత్యేకంగా ఆకట్టుకుంటుంది.

అదేవిధంగా ప్రశాంత్ నీల్ దర్శకత్వం వహించిన ‘కేజీఎఫ్ 2’లో మాళవిక అవినాష్, ప్రకాష్ రాజ్, అచ్యుత్ కుమార్, రావు రమేష్ కూడా ముఖ్య పాత్రలను పోషించబోతున్నారు. ఈ సంవత్సరం ప్రారంభంలో విడుదలైన ‘కేజీఎఫ్ : చాప్టర్ 2’ టీజర్ యూట్యూబ్లో 200 మిలియన్ల మంచి వీక్షించారు. ‘కేజీఎఫ్ 2’ను త్వరలోనే విడుదల చేయనున్నారు సినీ మేకర్స్. అయితే దేశవ్యాప్తంగా సినిమా హాళ్ళు రీఓపెన్ అయిన వెంటనే ఈ సినిమా రిలీజ్ పై దృష్టి సారించనున్నారు మూవీ మేకర్స్.