హిమాచల్ లో ప్రకృతి బీభత్సం.. ఏకంగా 213 మంది మృతి…
ప్రతి సంవత్సరం వర్షాకాలంలో హిమాచల్ ప్రదేశ్లో ప్రకృతి విలయ తాండవం చేస్తుంటుంది. అందులో భాగంగా ఎంతో ఆస్తి, ప్రాణ నష్టం వాటిల్లుతుంది. ముఖ్యంగా హిమాచల్ లో కొండచరియలు విరిగిపడటం చాలా సహజం. అయితే.. ఈ వర్షాకాలంలో మరింత విలయాన్ని సృష్టించింది.
అయితే ఈ సారి సృష్టించిన ఈ విలయం దెబ్బకు 213 మంది మృతి చెందారు. సుమారు రూ.600 కోట్లకు పైగా ఆస్తి నష్టం సంభవించింది. భారీ వరదలకు 12 మంది కనిపించకుండా పోయినట్టు స్టేట్ డిజాస్టర్ మేనేజ్మెంట్ అథారిటీ పేర్కొన్నది. అలాగే ఇప్పటికీ హిమాచల్ ప్రదేశ్ రాష్ట్రంలో భారీ వర్షాలు కురుస్తున్నాయి. నిన్న కురిసిన భారీ వర్షాలకు ముగ్గురు మృతి చెందినట్టు అధికారులు ప్రకటించారు. మరికొన్ని రోజులు భారీ వర్షాలు కురిసే అవకాశం ఉన్నట్టు వాతావరణ శాఖ హెచ్చరించడంతో అధికారులు ప్రజలను అప్రమత్తం చేస్తున్నారు.