స్నేహ సోదర పరిచయం భలే చేసింది….

ప్రముఖ నటీమణి స్నేహకు కేవలం తమిళంలోనే కాదు… తెలుగులో కూడా మంచి ఫ్యాన ఫాలోయింగే ఉంది. అయితే 2012 మే 12న ప్రముఖ నటుడు ప్రసన్నను పెళ్ళి చేసుకున్న తర్వాత కూడా స్నేహ… ప్రాధాన్యమున్న పాత్రలు చేస్తూనే ఉంది. స్నేహ, ప్రసన్న ఇద్దరూ కూడా ఎప్పుడూ సోషల్ మీడియాలో బిజీగా ఉంటారు. ఇప్పటికే స్నేహకు ఒక బాబుతో పాటు, ఒక సంవత్సరం పాప కూడా ఉంది. సోమవారం నేషనల్ బ్రదర్స్ డే సందర్భంగా స్నేహ తన కొడుకు, కూతురుకు సంబంధించిన రెండు ఫోటోలను పెట్టింది. అవి ఎప్పుడూ పెట్టేవే కానీ ఇక్కడ విశేషం ఏమిటంటే… స్నేహ తన పిల్లల ఫోటోలతో పాటు తన సోదరులు బాలాజీ, గోవింద్ లతో తానున్న ఫోటోలనూ కూడా షేర్ చేసింది.
కాగా స్నేహ సోదరులను అలా పరిచయం చేసిందన్న మాట. ‘నీ అవసరాలలో నీతో ఉండే వాడు, నువ్వు పడిపోతున్నప్పుడు పట్టుకునే వాడు, నీతో ఎవరూ లేనప్పుడు నిన్ను అంటిపెట్టుకుని ఉండే వాడే సోదరుడు అంటే… అలాగే మనకు ఎప్పుడూ బెస్ట్ ఫ్రెండే బ్రదర్ అనేటోడు. హ్యాపీ బ్రదర్స్ డే’ అంటూ స్నేహ తన మనసులోని నాలుగు మాటలూ కూడా హృదయాంతరాళాల్లోంచి వచ్చినట్లుగా చెప్పేసింది. ఎంతైనా స్నేహ గ్రేట్ అంటున్నారు ఫ్యాన్స.