సెగలు రేపుతోన్న పెగాసస్.. పార్లమెంట్ ఉభయ సభలు వాయిదా…
పార్లమెంట్ వర్షాకాల సమావేశాలు సజావుగా సాగడం లేదని చెప్పడానికి ఈరోజు కూడా వాయిదా పడటమే కారణం. ముఖ్యంగా పార్లమెంట్ ఉభయ సభలను పెగాసస్ వ్యవహారం కుదిపేస్తూనే ఉంది. ముఖ్యంగా ఈరోజు కూడా లోక్సభ, రాజ్యసభలో సేమ్ సీన్ రిపీట్ అయ్యింది. పార్లమెంట్లో విపక్షాలు నినాదాలతో హోరెత్తించాయి. రాజ్యసభలో విపక్ష సభ్యులు వెల్లోకి వచ్చి ఆందోళన చేపట్టారు.
అదేవిధంగా పెగాసస్ ప్రాజెక్టు నివేదికపై చర్చ చేపట్టాలని పట్టుబట్టారు విపక్ష సభ్యులు. అంతేకాకుండా లోక్సభలో కూడా అదే పరిస్థితి నెలకొంది. దీంతో.. ఉభయసభలను వాయిదా వేశారు. మొదట ఉభయసభలు 12 గంటల వరకు వాయిదా పడగా.. తిరగి ప్రారంభమైన తర్వాత కూడా అదే సీన్ రిపీట్ కావడంతో మళ్లీ వాయిదా పడటం విశేషం.