సవాల్ గా మారిన ప్రియా ప్రకాశ్ వారియర్ కెరీర్…!
ఒక్కసారి కన్నుగీటుడుతోనే ఓవర్ నైట్ స్టార్ అయిపోయిన నటీమణి ప్రియా ప్రకాశ్ వారియర్. ఈ మలయాళీ ముద్దుగుమ్మ ప్రియా ప్రకాశ్ వారియర్ టాలీవుడ్ ప్రేక్షకుల నుంచి ‘ఇష్క్’ లభించక చాలా కష్టాలు పడుతుంది. ప్రమోషనల్ వీడియోతో వచ్చిన క్రేజ్ తొలి మలయాళ సినిమా ‘ఒరు ఆడార్ లవ్’ బిజినెస్ కు మాత్రమే ఉపయోగపడింది. ఈ సినిమాకు వచ్చిన క్రేజ్ కారణంగా తమిళ, తెలుగు, కన్నడ భాషల్లో డబ్ చేసి నిర్మాతలు సొమ్ము చేసుకోలిగారు. అలాగే ఈ మూవీ కూడా బాక్సాఫీస్ వద్ద ఎలాంటి ప్రభావం చూపలేదు. అయితే… తెలుగు, కన్నడ, హిందీ భాషల్లో ప్రియా ప్రకాశ్ వారియర్ కు అవకాశాలు లభించేలా మాత్రం చేసిందనే చెప్పాలి.
అదేవిధంగా ప్రియా ప్రకాశ్ వారియర్ నటించిన హిందీ, కన్నడ సినిమాలు ఇంకా విడుదలకు నోచుకోకముందే…. తెలుగులో ఏకంగా ఆమె నటించిన రెండు సినిమాలు రిలీజ్ కూడా అయిపోయాయి. కానీ.. ఈ రెండు సినిమాలు…. ‘చెక్’, ‘ఇష్క్’ ప్రియా ప్రకాశ్ కు విజయాన్ని మాత్రం అందించలేకపోవడంతో డీలా పడిపోయింది. ‘చెక్’ మూవీ పరాజయం కావడంతో ‘ఇష్క్’ మీదనే ఆశలు పెట్టుకుంది ప్రియా ప్రకాశ్. కానీ.. ‘ఇట్స్ నాట్ ఎ లవ్ స్టోరీ’ అనే ట్యాగ్ లైన్ తో వచ్చిన ‘ఇష్క్’ను చూసి జనాలు… ‘ఇట్స్ ఎ హెడేక్ స్టోరీ’ అని డిసైడ్ అయిపోయారు. అంతేకాకుండా… ప్రియా ప్రకాశ్ వారియర్ కు ఫ్లాప్ హీరోయిన్ అనే ట్యాగ్ కూడా వేసేశారు. సినిమాల ఎంపికలో ప్రియా ప్రకాశ్ తెలివిని ప్రదర్శించడం లేదని కొందరు అంటుంటే… ఆమెను సరిగ్గా గైడ్ చేసే వారు లేరని మరి కొందరు అంటున్నారు. కాగా సినిమా అవకాశాల విషయం ఎలా ఉన్నా… సోషల్ మీడియాలో మాత్రంలో ప్రియా ప్రకాశ్ చాలానే హంగామా సృష్టిస్తున్న విషయం తెలిసిందే.