సరికొత్త జోనర్ లో ప్రశాంత్ వర్మ నెక్ట్స్ మూవీ…..

ప్రముఖ డైరెక్టర్ ప్రశాంత్ వర్మ టాలీవుడ్ లో తనదైన మార్క్ తో, సరికొత్త శైలిలో సినిమాలను తెరకెక్కిస్తూ తెలుగు ప్రేక్షకులను థ్రిల్ చేస్తున్న విషయం తెలిసిందే. ఇప్పటికే ఈ దర్శకుడు ‘అ!’ అనే థ్రిల్లర్, ‘కల్కి’ అనే యాక్షన్ ఎంటర్టైనర్ తో తెలుగు ప్రేక్షకులకు తన రుచి ఏమిటో తెలిపిన విషయం తెలిసిందే. అయితే ఆ తర్వాత ‘జాంబీ రెడ్డి’తో తొలిసారిగా సౌత్ లో తెలుగు ప్రేక్షకుల ముందుకు జాంబీ జోనర్ ను తీసుకొచ్చి థ్రిల్ కలిగించారు.
అయితే ఈ సినిమా ఈ మధ్య బుల్లితెరపై కూడా టిఆర్పీ పరంగా రికార్డులు సృష్టిస్తోంది. ఇక అసలు విషయానికి వస్తే… ప్రశాంత్ తన నాలుగవ సినిమాను ప్రకటించడానికి రెడీ అయ్యారు. రేపు మే 29న ప్రశాంత్ వర్మ పుట్టినరోజు సందర్భంగా ఈ సినిమా గురించిన అధికారిక ప్రకటన వెల్లడించనున్నారు. మే 29న ఉదయం 9 గంటల 9 నిమిషాలకు ఈ సినిమా ప్రకటన ఉండబోతోందంటూ ఓ పోస్టర్ ను విడుదల చేశారు. అందులో హిమాలయాలు కంపించడం ఆసక్తిని రేకెత్తిస్తోంది. మరి ప్రశాంత్ వర్మ మరెలాంటి వెరైటీ చూపిస్తారో చూడాలి.