వైరల్ అవుతోన్న ఆచార్య చెర్రీ పోస్టర్స్…
టాలీవుడ్ మెగాస్టార్ చిరంజీవి తాజా సినిమా ‘ఆచార్య’కు సంబంధించిన చివరి షెడ్యూల్ స్టార్ట్ అయింది. అయితే ఇదే సమయంలో సినిమా యూనిట్ ఓ కొత్త పోస్టర్ ను రిలీజ్ చేసింది. చిత్ర నిర్మాతల్లో ఒకరైన మెగా పవర్ స్టార్ రామ్ చరణ్ ఇందులో ఓ కీలక పాత్ర పోషిస్తున్న విషయం తెలిసింది. ఇప్పుడు రామ్ చరణ్ నిలువెత్తు ఛాయా చిత్రంతో పోస్టర్ ను విడుదల చేసింది సినిమా యూనిట్. ‘ది డోర్స్ టు ధర్మస్థలి హావ్ రీఓపెన్డ్’ అంటూ నిర్మాణ సంస్థ ట్వీట్ చేసింది. ‘ట్రిపుల్ ఆర్’ మూవీ కోసం విగరస్ గా వర్కౌట్ చేసి చక్కని బాడీని బిల్డప్ చేసిన రామ్ చరణ్ ఈ సినిమాలో కూడా అదే ఫిజిక్ తో దర్శనమివ్వనున్నాడు. కాగా ఈ పోస్టర్ మెగాభిమానులను కనువిందు చేస్తుంది.
అంతేకాకుండా ‘ఆచార్య’కు సంబంధించిన ఇప్పటికే విడుదలైన రెండు పాటలూ సూపర్ హిట్ అయ్యాయి. చిరంజీవి, మణిశర్మ ది సూపర్ హిట్ కాంబినేషన్ అని ‘ఆచార్య’ మరోసారి సంచలనం అయింది. కాగా ఇప్పటికే చిరంజీవితో ‘ఖైదీ నంబర్ 150’లో నాయికగా నటించిన కాజల్ మరోసారి మెగాస్టార్ కు జోడీగా నటిస్తుండగా.. ‘రంగస్థలం’లో రామ్ చరణ్ సరసన స్పెషల్ సాంగ్ లో నర్తించిన పూజా హెగ్డే ఈ సినిమా చెర్రీ సరసన నాయికగా నటిస్తుండటం విశేషం.