విజయ్ తో హ్యాట్రిక్ కొట్టడం ఆతృతగానే ఉంది: రష్మిక
టాలీవుడ్ రౌడీ హీరో విజయ్ దేవరకొండ- రష్మిక జోడీకి మంచి క్రేజ్ ఉంది. వీరిద్దరి సినిమాలు కూడా మంచిగా క్లిక్ అయినవి. ఇండస్ట్రీకి వచ్చి రావడంతోనే ‘గీత గోవిందం’ ఆ తర్వాత ‘డియర్ కామ్రేడ్’ వంటి సినిమాలతో తెలుగు ప్రేక్షకులను ఆకట్టుకున్నారు ఈ జంట.
అయితే ఈ జంట మరోసారి కలిసి నటించే అవకాశం ఉందంటూ వార్తలు విపరీతంగా హల్ చల్ చేస్తున్నాయి. ఇలాంటి తరుణంలో రష్మిక వెరైటీగా స్పందించడం విశేషం. సరైన కథ దొరికితే, విజయ్తో మరోసారి కచ్చితంగా నటిస్తానని స్పష్టం చేసింది. అందుకోసం తానెంతో ఆత్రుతగా ఎదురు చూస్తున్నట్లు రష్మిక వెల్లడించింది. రీసెంట్ గా సోషల్ మీడియాలో అభిమానులతో ముచ్చటించిన ఆమె ఈ విషయాన్ని వివరించింది. కాగా రష్మిక ప్రస్తుతం అల్లు అర్జున్ సరసన పుష్ప సినిమాలో నటిస్తుంది. విజయ్ దేవరకొండ మాత్రం పూరి జగన్నాథ్ దర్శకత్వంలో లైగర్ సినిమాలో నటిస్తున్న విషయం తెలిసిందే.