రామ్ చరణ్… శంకర్ మూవీలో హీరోయిన్ గా రష్మిక..?
ప్రముఖ డైరెక్టర్ శంకర్.. మెగా పవర్ స్టార్ రామ్ చరణ్ కాంబినేషన్ లో చేయనున్న సినిమాకు సంబంధించి అన్ని విభాగాల నుంచి అప్డేట్స్ వచ్చేశాయి. అయితే అంతా ఎంతగానో ఎదురుచూస్తున్న హీరోయిన్ పేరు కూడా అతిత్వరలోనే ప్రకటించనున్నారు. ఇప్పటికే చిత్రబృందం పేరును ఖరారు చేసినట్లు సమాచారం అందుతుంది. అలాగే టాలీవుడ్ లక్కీ గర్ల్ గా పేరొందిన రష్మిక మందాన మరోసారి తాను ఎంత లక్కీనో చెప్పబోయే ప్రకటన త్వరలో రానుంది. కాగా రాంచరణ్ సరసన రష్మిక దాదాపుగా ఫిక్స్ అయినట్లు సమాచారం అందుతుంది.
అదేవిధంగా దిల్ రాజు నిర్మించనున్న ఈ సినిమా రాజకీయాలు నేపథ్యంతో తెరకెక్కనుంది. రామ్ చరణ్ ఒక స్టూడెంట్ లీడర్ పాత్ర పోషించనున్నాడని సమాచారం. శంకర్ సినిమాలో హీరోయిన్స్ కి ఎంతటి ప్రాధాన్యత ఉంటుందో అందరికీ తెలిసిందే. ఈ సినిమాలో రష్మిక బలమైన పాత్రను పోషించబోతున్నట్లు తెలుస్తోంది. అంతేకాకుండా ఈ మధ్య మాటల రచయితగా బుర్రా సాయి మాధవ్, కొరియోగ్రాఫర్ గా జానీ మాస్టర్ ను ప్రకటించగా ప్రముఖ సంగీత దర్శకుడు థమన్ మ్యూజిక్ కంపోజర్ గా తీసుకున్నారు. చివరగా ఇక చరణ్ ను సరైన విలన్ ను కూడా అతి త్వరలోనే ప్రకటించనున్నట్లు తెలుస్తోంది.