యంగ్ టైగర్ ఎన్టీఆర్ కు కరోనా పాజిటివ్…..
యంగ్ టైగర్ ఎన్టీఆర్ కు కరోనా పాజిటివ్ గా నిర్థారణ అయింది. ఈ విషయాన్ని స్వయంగా జూనియర్ ఎన్టీఆర్ తన ట్విట్టర్ ద్వారా అభిమానులతో పంచుకున్నారు. ‘నాకు కోవిడ్-19 పాజిటివ్ గా నిర్ధారణ అయ్యింది. దయచేసి ఎవరూ కంగారు పడకంటి. నేను సంపూర్ణ ఆరోగ్యంతో ఉన్నాను. నా కుటుంబం, నేను వేరువేరుగా ఐసోలేషన్ లో ఉన్నాం. మేము వైద్యుల పర్యవేక్షణలో అన్ని ప్రోటోకాల్స్ ను పాటిస్తున్నాం. గత కొన్ని రోజులుగా నన్ను సంప్రదించిన వారు కోవిడ్-19 పరీక్షలు చేయించుకోవాలని నేను అభ్యర్థిస్తున్నాను. సురక్షితంగా ఉండండి తగు జాగ్రత్తలు తీసుకోండి’ అంటూ ట్వీట్ చేశాడు ఎన్టీఆర్. దీంతో ఎన్టీఆర్ అభిమానులు ఆయన త్వరగా కోలుకోవాలని సోషల్ మీడియా వేదికగా ప్రార్థిస్తున్నారు. ఇక ఇప్పటికే అల్లు అర్జున్, పవన్ కళ్యాణ్, రామ్ చరణ్, అనిల్ రావిపూడి వంటి పలువురు టాలీవుడ్ సెలెబ్రిటీలకు కరోనా సోకిన విషయం తెలిసిందే.