మోడీ ప్రధాని కావడానికి ఎన్టీఆర్ కారణం : అచ్చెన్న

ఆంధ్రప్రదేశ్ లోని విశాఖ బీచ్ రోడ్డులో ఎన్టీఆర్ విగ్రహానికి పూల మాలలు వేసిన టీడీపీ రాష్ట్ర అధ్యక్షుడు అచ్చెన్నాయుడు ఘనంగా నివాళులు అర్పించారు. ఈ కార్యక్రమంలో ఎమ్మెల్యే వెలగపూడి, టీడీపీ పార్లమెంట్ అధ్యక్షుడు పల్లా శ్రీనివాస్, టీఎన్ఎస్ఎఫ్ రాష్ట్ర అధ్యక్షుడు ప్రణవ్ గోపాల్ పాల్గొన్నారు. ఈ సందర్బంగా అచ్చెన్నాయుడు మాట్లాడుతూ.. సీని రంగం ద్వారా ఎన్టీఆర్ తెలుగు జాతికి మంచి గుర్తింపు తెచ్చారని.. రాజకీయాలలోకి వచ్చిన తర్వాత ప్రజల్లో చైతన్యం తెచ్చారని ఆయన వివరించారు.
అంతేకాకుండా బడుగు బలహీన వర్గాలకు అవకాశం ఇచ్చిన మహానుభావుడు ఎన్టీఆర్ అని ఆయన వెల్లడించారు. ఈరోజు పిల్ల కాకి సంక్షేమం కోసం మాట్లాడుతోంది అని…. సంక్షేమం అంటే ఆనాడు ఎన్టీఆర్ పెట్టిన పథకాలు అని ఆయన తెలిపారు. మోడీ ప్రధాని అయ్యాడు అంటే అందుకు కారణం ఎన్టీఆర్ అని…రాష్ట్రంలో అరాచక, రౌడీ పాలన నడుస్తుందని ఆయన మండిపడ్డారు.. అదేవిధంగా రాజకీయం అంటే డైరెక్ట్ గా పోరాటం చేయాలని.. ప్రతి పక్ష పార్టీలపై దాడులు, కుట్రలు జరుగుతున్నాయని అది రాజకీయం కాదని ఆయన వివరించారు. కాగా టీడీపీ అనేది పోరాట పార్టీ అని.. మళ్లీ అధికారంలోకి వచ్చి ఎన్టీఆర్ కు నివాళులు అర్పిస్తామని అచ్చెన్న స్పష్టం చేశారు.