బిస్ బాస్ సీజన్ 5పై ఇంట్రస్టింగ్ న్యూస్ హల్ చల్
తెలుగు బుల్లితెర సంచలనం బిగ్ బాస్ సీజన్-5 గత నెలలోనే ప్రారంభం కావాల్సిన విషయం తెలిసిందే. అయితే కరోనా కారణంగా ఈ షో అర్ధాంతరంగా ఆగిపోయింది. బుల్లితెరపై బిగ్ బాస్ రియాలిటీ షోకు భారీ ప్రేక్షకాదరణ ఉంది. అయితే తెలుగులో ఇప్పటికే 4 బిగ్ బాస్ సీజన్లు ముగిశాయి. అందులో బిగ్ బాస్ తెలుగు సీజన్-1కు యంగ్ టైగర్ ఎన్టీఆర్, బిగ్ బాస్ తెలుగు సీజన్-2కు నేచురల్ స్టార్ నాని హోస్టులుగా వ్యవహరించారు. బిగ్ బాస్ తెలుగు సీజన్-3,4 లకు మాత్రం కింగ్ నాగార్జున హోస్ట్ గా వ్యవహరించారు.
అదేవిధంగా గడిచిన సీజన్లలో కంటెస్టెంట్లే కాదు హోస్టుల రెమ్యునరేషన్ కూడా హాట్ టాపిక్ గా మారాయి. మరి ఇప్పుడు బిగ్ బాస్ తెలుగు సీజన్-5 ప్రారంభంపై అంతా ఆసక్తిగా ఎదురు చూస్తున్నారు. అయితే తెలుగు బిగ్ బాస్ నిర్వాహకులు ఈ జూన్ లో 5వ సీజన్ ను ప్రారంభించాలని భావించారు. కానీ కోవిడ్ సెకండ్ వేవ్ కారణంగా వారి ప్లాన్స్ కు బ్రేక్ పడింది. తాజాగా ఈ బిగ్ బాస్ సీజన్ 5పై ఆసక్తికరమైన విషయం ఒకటి హల్ చల్ చేస్తుంది. అదేమంటే… బిగ్ బాస్ ఐదవ సీజన్ ప్రారంభించడానికి సిద్ధమవుతున్నారని సమాచారం. జూమ్ ద్వారా అభ్యర్థుల ఆడిషన్లు జరుగుతున్నాయని, ప్రస్తుతం పోటీదారుల జాబితాను సిద్ధం చేస్తున్నారని తెలుస్తోంది. కాగా జూలై నెలలో ఈ రియాలిటీ షో ప్రేక్షకుల ముందుకు రానుందనే టాక్ కూడా నడుస్తోంది. కాగా అందుకు సంబంధించి నిర్వాహకుల నుంచి త్వరలోనే ప్రకటన రానుంది. అయితే కింగ్ నాగార్జున ఈ సీజన్ కు కూడా హోస్ట్ గా బాధ్యతలు నిర్వహించనున్నారు. మరి చూద్దాం ఈ బిగ్ బాస్ సీజన్ 5 లో ఎన్నో ట్విస్ట్ లు చోటుచేసుకుంటాయి. ఏమిటి అనేది.