‘బింబిసారా’ గ్లిమ్ప్స్…. బార్బేరియన్ రాజుగా కళ్యాణ్ రామ్…
టాలీవుడ్ యంగ్ హీరో నందమూరి కళ్యాణ్ రామ్ నటిస్తున్న తాజా సినిమా ‘బింబిసారా’. నటసార్వభౌమ ఎన్టీఆర్ జయంతి సందర్భంగా ఈ సినిమా టైటిల్ ను ప్రకటించారు మూవీ మేకర్స్. ఇది కళ్యాణ్ రామ్ కు 18వ సినిమా. కత్తిని పట్టుకుని కళ్యాణ్ రామ్ సరికొత్త లుక్ లో, ఆకట్టుకొనే గెటప్ లో కన్పించి అభిమానులను సర్ప్రైజ్ చేశాడు.
అదే విధంగా మృతదేహాల సమూహంపై కూర్చుని ఉన్న కళ్యాణ్ రామ్ మేక్ ఓవర్ సినిమాపై అంచనాలను పెంచేస్తోంది. టైం ట్రావెల్ తో తెరకెక్కనున్న ఈ సోషల్ ఫాంటసీలో భారీ విఎఫ్ఎక్స్ తో ప్రేక్షకులకు మంచి థ్రిల్ చేయనున్నారు. కాగా ఈ భారీ బడ్జెట్ మూవీలో కేథరిన్ ట్రెసా, సంయుక్త మీనన్ హీరోయిన్లుగా నటిస్తున్నారు. ఈ సినిమాలో మల్లిడి వశిస్ట్ దర్శకుడిగా పరిచయం అవుతున్నారు. ఎన్టీఆర్ ఆర్ట్స్ బ్యానర్ పై హరికృష్ణ కె ‘బింబిసారా’ నిర్మిస్తున్నారు. చిరంతన్ భట్ స్వరాలు సమకూరుస్తున్న ఈ సినిమాకు కళ్యాన్ ఇంకెన్ని మెరుపులు చూపిస్తారో వేచి చూడాలి.