బాలీవుడ్ ప్రేమజంట పై కేసు నమోదు….
బాలీవుడ్ హీరోలు, లవర్స్ పై ఈ కరోనా కాలంలో కూడా కేసులు నమోదవుతున్నయి. తాజాగా బాలీవుడ్ లవ్ బర్డ్స్ పై పోలీసులు కేసు నమోదు చేశారు. అయితే యంగ్ హీరో టైగర్ ష్రాఫ్, నటి దిశా పటానీ ప్రస్తుతం బాలీవుడ్లో లవ్బర్డ్స్గా హల్ చల్ చేస్తున్న విషయం తెలిసిందే. వీరిద్దరూ ప్రేమలో ఉన్నారనే విషయం బీటౌన్ కోడై కూస్తుంది. అయితే టైగర్, దిశ కొన్ని సంవత్సరాలుగా డేటింగ్లో ఉన్నారనే టాక్ విపరీతంగా సాగుతుంది.
అదేవిధంగా ఈ ఇద్దరిలో ఎవరు ఈ విషయాన్ని ఇప్పటివరకు బయటకు ప్రకటించలేదు. సోషల్ మీడియాలో మాత్రం వీరి ఫోటోలు విపరీతంగా వైరల్ అవుతున్నాయి. తాజాగా వీరిద్దరూ ముంబై వీధుల్లో కారులో షికారుకు వెళ్లారు. జిమ్ చేసిన తర్వాత అలా సేదతీరేందుకు బయటకు వచ్చినట్లు సమచారం అందుతుంది. అదే సమయంలో ముంబై పోలీసులు టైగర్ ష్రాఫ్, దిశా పటానీని బాంద్రా వద్ద ఆపారు. లాక్డౌన్ నిబంధనలు ఉల్లంఘించడంతో పోలీసులు కేసు రిజిస్టర్ చేశారు. అంతేకాకుండా సరైన కారణం లేకుండా ఇలా వీరిద్దరూ బయటకు రావడం లాక్డౌన్ నిబంధనలు ఉల్లంఘించినట్లు అవుతుందని భావించిన పోలీసులు వారిపై ఎఫ్ఐఆర్ నమోదు చేయడం ఇప్పుడు ముంబైలో హాట్ టాపిక్ గా మారింది.