పూరి- పవన్ సినిమాపై ఆసక్తికర చర్చ…
టాలీవుడ్ పవర్ స్టార్ పవన్ కళ్యాణ్, డేరింగ్ అండ్ డాషింగ్ డైరెక్టర్ పూరి జగన్నాథ్ కాంబినేషన్ కి ఒక రేంజ్ లో క్రేజ్ ఉన్న విషయం తెలిసిందే. అయితే ఈ ఇద్దరి కాంబినేషన్ లో గతంలో వచ్చిన ‘బద్రి’ సినిమాకి.. ఇప్పటికీ యూత్ లో మంచి క్రేజ్ ఉంది. ఆ తర్వాత కూడా ఇద్దరూ కలిసి ‘కెమెరామెన్ గంగతో రాంబాబు’ సినిమా చేశారు. అయితే ఇప్పుడు వీరి కాంబో నుంచి హ్యాట్రిక్ సినిమా కోసం అభిమానులు ఎంతగానో వేచి చూస్తున్నారు. ఎప్పటినుంచో చర్చలు జరుగుతున్నప్పటికీ ఇప్పుడున్న పరిస్థితుల్లో వీరిద్దరికీ టైం కుదరడం లేదనే టాక్ నడుస్తోంది.
అదేవిధంగా ప్రస్తుతం పవన్ వరుస సినిమాలతో, పాలిటిక్స్ తో బిజీగా ఉండగా.. పూరి ‘లైగర్’ ను పూర్తిచేసే పనిలో బిజీగా ఉన్నారు. ఈ సినిమా తర్వాత పూరి నెక్స్ట్ సినిమా పవన్ తోనే అనే కొత్త చర్చలు టాలీవుడ్ లో స్టార్ట్ అయ్యాయి. మరి పూరి మూడు నెలల్లో సినిమా పూర్తి చేస్తా.. అనే హామీతో పవన్ తో చర్చలు జరిపినట్లుగా కూడా టాక్ నడుస్తోంది. కాగా పవన్ కు కూడా ఇప్పుడు కావలసింది అత్యంత వేగంగా సినిమా చేసేవారే. దీంతో ఈ సినిమా అనౌన్స్ మెంట్ కూడా త్వరలోనే రానుందనే టాక్ విపరీతంగా వైరల్ అవుతుంది. కాగా ఇదివరకే వీరి కాంబోలో అనుకున్న ‘జనగణమన’ కాదని.. కొత్త తరహా సినిమా అని కూడా తెలుస్తోంది. చూద్దాం మరి ఇది ఎంతవరకు నిజం అనేది తెలుసుకోవాలంటే అధికారిక ప్రకటన రావాల్సిందే.