పుష్పలో ఒక్క యాక్షన్ ఎపిసోడ్ కోసం రూ.40 కోట్లు..?
టాలీవుడ్ ఐకాన్ స్టార్ అల్లు అర్జున్, దర్శకుడు సుకుమార్ కాంబినేషన్ లో తెరకెక్కుతున్న భారీ చిత్రం ‘పుష్ప’. ఈ పాన్ ఇండియా మూవీలో అల్లు అర్జున్ సరసన రష్మిక మందన్న హీరోయిన్ గా నటిస్తున్న విషయం తెలిసిందే. అయితే ప్రస్తుతం ఈ సినిమా షూటింగ్ శరవేగంగా జరుపుకుంటుంది.
అయితే తాజాగా ఈ సినిమాకు సంబంధించి బన్నీ ఫ్యాన్స్ కి మంచి జోష్ నింపే వార్త సోషల్ మీడియాలో చక్కర్లు కొడుతోంది. ‘పుష్ప’ చిత్రంలోని ఓ భారీ యాక్షన్ సీక్వెన్స్ కోసం భారీస్థాయిలో ఖర్చు పెడుతున్నట్లు తెలుస్తోంది. సినిమాలోని యాక్షన్ ఎపిసోడ్ కోసం ఏకంగా 40 కోట్ల భారీ మొత్తాన్ని నిర్మాతలు ఖర్చు పెడుతున్నట్లు సమాచారం. దీంతో అప్పడే ఈ భారీ యాక్షన్ సన్నివేశాలు చిత్రంలో ఏ రేంజ్ లో ఉండబోతున్నాయి అనే విషయంపై ఆసక్తితో పాటు భారీ అంచనాలు నెలకొన్నాయి. ఈ విషయం ఇప్పుడు సినిమా ఇండస్ట్రీలో హాట్ టాపిక్ గా మారింది. కాగా ఈ మధ్య అల్లు అర్జున్ బర్త్ డే సందర్భంగా విడుదలైన టీజర్ సంచలనం సృష్టించిన విషయం తెలిసిందే. ఈ సినిమాలో విలన్ గా మలయాళ స్టార్ ఫహద్ ఫాసిల్ నటిస్తుండడం విశేషం. జగపతిబాబు, ప్రకాష్ రాజ్, సునీల్, ధనుంజయ్ తదితరులు ముఖ్యపాత్రల్లో నటిస్తున్నారు. మైత్రి మూవీ మేకర్స్ భారీ బడ్జెట్ తో ప్రతిష్టాత్మకంగా నిర్మిస్తున్న ఈ సినిమా తెలుగు, తమిళ, మలయాళ, కన్నడ, హిందీ భాషల్లో భారీ రేంజ్ లో విడుదల కానుంది. కాగా ఈ సినిమాకి దేవిశ్రీ ప్రసాద్ సంగీతం అందిస్తున్న విషయం తెలిసిందే.