పీసీసీగా రేవంత్ రెడ్డి గెలవాలి : భట్టి విక్రమార్క
తెలంగాణలో కొత్తగా పీసీసీ చీఫ్ బాధ్యతలు స్వీకరించనున్నారు రేవంత్ రెడ్డి. ఈ సందర్భంగా కాంగ్రెస్ సీనియర్ నేత భట్టి విక్రమార్కను మర్యాద పూర్వకంగా కలిశారు. ఈ సమయంలో భట్టి మాట్లాడుతూ.. సోనియా గాంధీ నిర్ణయంతో పీసీసీగా రేవంత్ అధ్యక్ష బాధ్యతలు చేపట్టనున్నారని.. ఈ కార్యక్రమానికి కాంగ్రెస్ శ్రేణులు పెద్ద ఎత్తున తరలి రావాలని పిలుపు నిచ్చారు. అలాగే రేవంత్ రెడ్డి పీసీసీగా సక్సెస్ కావాలని ఆయన పేర్కొన్నారు. తెలంగాణ రాష్ట్రంలో వనరులు దోపిడీకి గురి అవుతున్నాయని… సోనియా గాంధీ ఆశించిన లక్ష్యాలు అమలు కావడం లేదని ఆయన అన్నారు.
అదేవిధంగా కాంగ్రెస్ లక్ష్య సాధన కోసం కలిసి కట్టుగా నడుం బిగించి పోరాడాలని తెలిపారు. ఆ తర్వాత రేవంత్ రెడ్డి మాట్లాడుతూ… కాంగ్రెస్ కి పర్యాయ పదం మల్లు కుటుంబమని.. సోనియా గాంధీ ఏ ఆలోచనతో తెలంగాణ ఇచ్చారో… ఆ లక్ష్య సాధనకు పని చేస్తామని వివరించారు. కాగా బడుగు..బలహీన వర్గాల అభివృద్ధికి పని చేస్తామని.. ఇద్దరం కలిసి కట్టుగా పని చేస్తామని రేవంత్ రెడ్డి వివరించారు.