దిల్ రాజు మరో క్రేజీ కాంబినేషన్…..

టాలీవుడ్ ప్రముఖ నిర్మాత దిల్ రాజు బ్యానర్ లో ఒక్కసారైనా పనిచేసేందుకు దర్శకులు కానీ హీరోలు తెగ ఆరాటపడుతుంటారు. దిల్ రాజు కూడా అంతేస్థాయిలో వారిని తనవైపుకు తిప్పుకొనేందుకు ప్రయత్నిస్తుంటారు. అయితే దర్శకుడు అనిల్ రావిపూడికి, దిల్ రాజుకు మంచి అనుబంధం ఉంది. వరుసగా అదే బ్యానర్ లో సినిమాలు చేస్తున్న అనిల్ రావిపూడి ప్రస్తుతం ఎఫ్ 3 మూవీ చేస్తున్నాడు. ఇది పూర్తి కాగానే మహేశ్ బాబుతో మూవీ చేయనున్నాడు అనిల్ రావిపూడి. అందుకోసం మహేశ్ కు ఓ స్టోరీని కూడా అనిల్ వినిపించి, ఓకే చేయించుకున్నాడు.
అయితే… మహేశ్ డేట్స్ మాత్రం ఇప్పట్లో అనిల్ రావిపూడికి దక్కేలా అనిపించడం లేదు. ఎందుకంటే ప్రస్తుతం సెట్స్ పై ఉన్న సర్కార్ వారి పాటను పూర్తి చేసిన వెంటనే త్రివిక్రమ్ మూవీ చేయాలి. ఆ తర్వాత రాజమౌళితో మహేశ్ సినిమా చేస్తాడని సమచారం అందుతుంది. దీంతో వచ్చే ఏడాది సమ్మర్ తర్వాత గానీ మహేశ్ డేట్స్ దొరకవు. ఇదిలా ఉంటే… ఎప్3 తర్వాత బాలకృష్ణతో అనిల్ రావిపూడి ఓ సినిమాకు కమిట్ అయ్యాడని వార్తలు హల్ చల్ చేస్తున్నాయి. అది పూర్తయ్యే సరికి కూడా వచ్చే యేడాది వేసవి అవుతుందని సమాచారం. మరి తొలిసారి పవన్ కళ్యాణ్ తో వకీల్ సాబ్ మూవీని ప్రొడ్యూస్ చేసిన దిల్ రాజు మరోసారి ఆయనతో సినిమా చేసేందుకు సన్నాహాలు చేస్తున్నట్టు సమాచారం అందుతుంది. ప్రస్తుతం పవన్ హరిహర వీరమల్లుతో పాటు అయ్యప్పనుమ్ కోషియుమ్ రీమేక్ లో నటిస్తున్నాడు. ఆ తర్వాత హరీశ్ శంకర్ దర్శకత్వంలో మూవీ చేయాల్సి ఉంది. వీటి తర్వాత అనిల్ రావిపూడి దర్శకత్వంలో పవన్ కళ్యాణ్ హీరోగా సినిమా నిర్మించాలన్నది దిల్ రాజు ఆలోచనగా సమాచారం అందుతుంది. దీన్ని బట్టి చూస్తే మహేశ్ బాబు ప్రాజెక్ట్ నుండి అనిల్ రావిపూడిని పవన్ కళ్యాణ్ వైపు దిల్ రాజు మళ్లించే అవకాశాలు మెండుగా ఉన్నాయన్నది ఫిల్మ్ నగర్ గుసగుసలు. మరి కరోనా పరిస్థితులు చక్కబడిన తర్వాత ఎవరు ఎటువైపు స్టెప్ తీసుకుంటారు అనేది వేచి చూడాల్సిందే మరి.