దసరా ప్లాన్ లో కేజీఎఫ్2….
సౌత్ ఇండియాలో రిలీజై ఎంతో క్రేజ్ ను సంపాదించుకున్న సినిమాల్లో ‘కెజిఎఫ్’ సీక్వెల్ కూడా ఒకటి. కన్నడ సూపర్ హిట్ ‘కేజీఎఫ్’ కన్నడంలోనే కాకుండా తెలుగు, తమిళ, హిందీ భాషల్లోనూ సంచలన విజయాన్ని అందుకుంది. దీంతో ఇప్పుడు ఈ సినిమా సీక్వెల్ నిర్మాణ దశలో ఉంది. ఈ సీక్వెల్ నిర్మాణం కూడా పూర్తి అయింది. అయితే ఇప్పటికే ఈ సినిమా షూటింగ్ పూర్తి అయినప్పటికీ కరోనా కారణంగా విడుదల వాయిదా పడుతూ వస్తోంది.
అయితే జులై 16న విడుదల చేస్తామని ఇప్పటికే సినిమా యూనిట్ ప్రకటించింది. కానీ కరోనా సెకండ్ వేవ్ కారణంగా ‘కేజీఎఫ్2’ మళ్లీ వాయిదా పడే సూచనలు కనిపిస్తున్నాయి. థియేటర్లు పూర్తి స్థాయిలో ఓపెన్ అవ్వడానికి మరి కొంత సమయం పట్టే అవకాశాలు ఎక్కువగా ఉన్నాయి. అక్టోబర్ కి అన్నీ సర్దుబాటు అవుతాయని అంతా భావిస్తున్నారు. దీంతో పలువురు దర్శక, నిర్మాతలు దసరా సీజన్ పై కన్నేశారు. వారి బాటలోనే ‘కేజీఎఫ్ 2’ ను కూడా దసరా కు విడుదల కానుందనే టాక్ విపరీతంగా నడుస్తోంది. ఇదే విషయాన్ని అధికారికంగా ప్రకటించే అవకాశం ఉందంటున్నారు. మరి ఈ సీక్వెల్ కూడా ‘కెజిఎఫ్’లా అందరినీ ఎంతమాత్రం అలరిస్తుందో చూడాలి.