థ్యాంక్యూ బ్రదర్ కు అనసూయ రెమ్యూనరేషన్ ఎంతంటే…!

బుల్లితెర సంచలనం, వెండితెర నటీమణి అనసూయ సినిమాల్లో స్పెషల్ పాత్రలలో మెప్పించడం వంటివి చూస్తూ ఉన్నాం. తాజాగా విరాజ్ అశ్విన్, అనసూయ భరద్వాజ్ మెయిన్ రోల్ లో తెరకెక్కిన సినిమా ‘థ్యాంక్ యు బ్రదర్’. ఈ సినిమా ఏప్రిల్ 30న థియేటర్లలో విడుదల కావాల్సి ఉంది. కానీ కోవిడ్ -19 సెకండ్ వేవ్ కారణంగా ఈ సినిమాను ఓటిటి ప్లాట్ ఫామ్ లో విడుదల చేసేందుకు సినిమా యూనిట్ రెడీ అయింది. కరోనా సెకండ్ వేవ్ సమయంలో డైరెక్ట్ గా ఓటిటిలో రిలీజ్ కానున్న మొదటి సినిమా ‘థ్యాంక్ యు బ్రదర్’. ఈ చిత్రం ప్రముఖ తెలుగు ఓటిటి ప్లాట్ఫామ్ ‘ఆహా’లో మే 7వ తేదీన ప్రసారం కానుంది. రమేష్ రాపర్తి దర్శకత్వం వహించిన ఈ సినిమాలో అనసూయ గర్భవతిగా నటించారు.
అయితే బాధ్యత తెలియని యువకుడి పాత్ర పోషించిన విరాజ్ అశ్విన్ తో లిఫ్ట్లో చిక్కుకుంటుంది అనసూయ. ఆ తర్వాత ఏం జరిగిందనే విషయం ప్రధానాంశంగా సినిమా తెరకెక్కబోతుంది. కాగా ఈ సినిమాకి గుణ బాలసుబ్రమణియన్ సంగీతం అందించనుండగా… మాగుంట శరత్ చంద్రరెడ్డి, తారక్ నాథ్ బొమ్మి రెడ్డి నిర్మిస్తున్నారు. ‘థ్యాంక్ యు బ్రదర్’ సినిమాలో అనసూయ, విరాజ్ అశ్విన్లతో పాటు వివా హర్ష, అర్చన అనంత్, కాదంబరి కిరణ్, అనీష్ కురువిల్ల కీలక పాత్రల్లో నటించారు. అయితే ఇక్కడ విషయం ఏమిటంటే… ఈ సినిమా కోసం అనసూయ పారితోషికం ఎంత తీసుకుందనే విషయం ఇప్పుడు ఫిల్మ్ సర్కిల్ లో హాట్ టాపిక్ గా మారింది. ఈ సినిమా కోసం అనసూయ ఏకంగా రోజుకు రూ .1.5 లక్షలు వసూలు చేసినట్లు సమాచారం. మొత్తం 17 రోజుల షెడ్యూల్లో షూటింగ్ పూర్తి చేసింది అనసూయ. ఆ విధంగా ‘థాంక్యూ బ్రదర్’ కోసం అనుసూయం ఏకంగా రూ.25 లక్షలు బుట్టలో వేసేసుకుందట. మొత్తానికి అనసూయ రూటే సపరేటు అబ్బా అంటున్నారు ఫ్యాన్స్.

Leave a Reply

Your email address will not be published. Required fields are marked *