తెలంగాణలో మున్సిపల్ పోలింగ్ ప్రారంభం….
తెలంగాణలో ఈరోజు ఉదయం నుంచి మున్సిపల్ ఎన్నికల పోలింగ్ ప్రారంభమైంది. వరంగల్, ఖమ్మం మున్సిపల్ కార్పొరేషన్లకు, సిద్ధిపేట, అచ్చంపేట, నకిరేకల్, జడ్చర్ల, కొత్తూరు మున్సిపాలిటీలకు ఎన్నికలు జరుగుతున్నాయి. అయితే కరోనా నిబంధనలు పాటిస్తూ ఎన్నికలను నిర్వహిస్తున్నారు. ఈరోజు ఉదయం నుంచి సాయంత్రం 5గంటల వరకు పోలింగ్ జరగనుంది. ఈ మున్సిపల్ ఎన్నికల్లో మొత్తం 11,34,032 మంది ఓటర్లు తమ ఓటు హక్కును వినియోగించుకోనున్నారు.
కాగా కరోనా మహమ్మారి తీవ్రంగా విజృంభిస్తున్న ఈ తరుణంలో జరుగుతున్న ఎన్నికలు కావడంతో ప్రత్యేకంగా అధికారులు అన్ని జాగ్రత్తలు తీసుకుంటున్నారు. పోలింగ్ కేంద్రాల వద్ద భౌతిక దూరం పాటిస్తున్నారు. ప్రతి పోలింగ్ కేంద్రం వద్ద ఎమర్జెన్సీ సర్వీసుతో పాటుగా ఆక్సిజన్ సిలిండర్లను కూడా రెడీ చేశారు. అయితే ఎన్నికలు సజావుగా జరిగేందుకు ఓటర్లు సహకరించాలని ఎన్నికల అధికారులు వెల్లడించారు.