తనయుడు భార్గవ్ రామ్ బర్త్ డే విషస్ తో జూనియర్ ఎన్టీఆర్ …

టాలీవుడ్ యంగ్ టైగర్ ఎన్టీఆర్ చిన్న కుమారుడు భార్గవ్ రామ్ పుట్టినరోజు ఈరోజు. ఈ సందర్భంగా సోషల్ మీడియా ద్వారా లిటిల్ టైగర్ కు పుట్టినరోజు శుభాకాంక్షలు తెలిపారు ఎన్టీఆర్. దీంతో నందమూరి అభిమానుల నుండి విషెస్ వెల్లువెత్తుతున్నాయి.
అయితే జూనియర్ ఎన్టీఆర్ రియల్టర్, వ్యాపారవేత్త నార్నే శ్రీనివాసరావు కుమార్తె లక్ష్మీ ప్రణతిని 5 మే 2011న వివాహం చేసుకున్నారు. ఎన్టీఆర్ కు ఇద్దరు కుమారులు అన్న విషయం తెలిసిందే. మొదటి కుమారుడి పేరు అభయ్ రామ్. రెండో కుమారుడు భార్గవ్ రామ్. భార్గవ్ రామ్ 2018 జూన్ 14వ తేదీన జన్మించాడు. కుమారుడి బర్త్ డే సందర్భంగా ఎన్టీఆర్ తన ఇన్స్టాగ్రామ్ లో కొన్ని పిక్స్ షేర్ చేసుకున్నారు. కాగా ఎన్టీఆర్ విషయానికొస్తే… ప్రస్తుతం ఆయన రాజమౌళి దర్శకత్వంలో తెరకెక్కుతున్న పాన్ ఇండియా సినిమా ‘ఆర్ఆర్ఆర్’తో బిజీగా ఉన్నారు. ఈ సినిమాలో ఎన్టీఆర్ కొమరం భీంగా మెరవనున్నారు. ఈ సినిమా తర్వాత కొరటాల దర్శకత్వంలో ‘ఎన్టీఆర్30’, ప్రశాంత్ నీల్ దర్శకత్వంలో ‘ఎన్టీఆర్31’ సినిమాలు వరుసగా ఉన్నాయి.