టోక్యో ఒలింపిక్స్ : బాక్సర్ లవ్లినా విజయం..
ఒలింపిక్స్ లో ఇండియా బాక్సర్ లవ్లినా బొర్గోహెన్ ఘనమైన సత్తాను చాటుకుటుంది. తన కంటే బలమైన ప్రత్యర్థులను చిత్తు చేస్తూ క్వార్టర్స్ వరకు దూసుకొచ్చిన లవ్లినా.. కీలక మైన క్వార్టర్ ఫైనల్లోనూ దుమ్ము లేపింది.
అయితే చైనీస్ తైపీ బాక్సర్ అయిన చెన్ నైన్ చిన్పై లవ్లినా అద్భుత విజయాన్ని దక్కించుకుంది. దీంతో ఇండియాకు టోక్యో ఒలింపిక్స్ లో మరో పతకం ఖరారు అయింది. సెమీస్ లో ఓడినా.. లవ్లికాకు పతకం మాత్రం కచ్చితంగా వస్తుంది. అదేవిధంగా ఆమె ఎలాంటి ఒత్తిడికి లోను కాకుండా బాగా ఆడి ఫైనల్ చేరి.. భారత్కు గోల్డ్ మెడల్ అందించాలని క్రీడా విశ్లేషకులు, క్రీడాభిమానులు ఆకాంక్షిస్తున్నారు. కాగా ప్రపంచ చాంపియన్షిప్, ఆసియా చాంపియన్షిప్లో రెండేసి బ్రాంజ్ మెడల్స్ లవ్లినా ఖాతాలో ఉండటం విశేషం.