టాలీవుడ్ నటులపై శృతి హాసన్ సంచలన వ్యాఖ్యలు…

విశ్వనటుడు కమల్ హాసన్ గారాలపట్టి శృతి హాసన్ సినీపరిశ్రమలో నటిగా, గాయనిగా మంచి గుర్తింపు తెచ్చుకుంది. అయితే తాజాగా ఈ బ్యూటీ టాలీవుడ్ స్టార్స్ ప్రభాస్, పవన్ కళ్యాణ్, మహేష్ బాబులపై సంచలన వ్యాఖ్యలు చేసింది. శృతి ట్విట్టర్లో #AskMeAnything సెషన్లో అభిమానులతో ముచ్చటించింది. అందులో ఆమె ఫ్యాన్స్ అడిగిన అన్ని ప్రశ్నలకు సమాధానమిచ్చింది.
అయితే శృతి చాలా కాలం తర్వాత సోషల్ మీడియాలో ఇంటరాక్టివ్ సెషన్లో పాల్గొనడంతో నెటిజన్లు ఉత్సాహంగా ప్రశ్నలు సంధించారు. ముఖ్యంగా నెటిజన్లు ఈ భామను తమ అభిమాన హీరోలపై వారితో పని చేసిన అనుభవం గురించి అడిగారు. ఓ అభిమాని ‘ప్రభాస్ గురించి వన్ వర్డ్’ లో చెప్పమని అడిగారు. ‘అతను సూపర్ చిల్… ప్రభాస్ తో పని చేయడం చాలా బాగుంది’ అని తెలిపింది శృతి. అలాగే మరో నెటిజన్… పవన్ కళ్యాణ్ తో మూడవసారి కలిసి పని చేయడం ఎలా అన్పించింది ? అని అడిగాడు. అందుకు స్పందించిన శృతి ‘వండర్ ఫుల్… పవన్ కళ్యాణ్ తో కలిసి మూడవ సారి పని చేయడం బాగుంది’ అని, రామ్ చరణ్ స్వీటెస్ట్ అని, మహేష్ బాబు జెంటిల్ మెన్ అని, ‘మహానటి’లో కీర్తి సురేష్ నటన నచ్చిందని చెప్పడం విశేషం. అంతేకాకుండా ఇంకో నెటిజన్ ‘మీ అభిమాన సింగర్ జస్టిన్ బీబర్ పై ఒక్క పదంలో చెప్పమన్నారు. అందుకు ‘అతను నా ఫేవరెట్ కాదు’ అని చెప్పేసింది. కాగా కరోనా వలన వచ్చిన చాలా లాంగ్ గ్యాప్ తర్వాత టాలీవుడ్ లో క్రాక్, వకీల్ సాబ్ తో బ్లాక్ బస్టర్ హిట్ అందుకున్నారు. ఎలా ఫీల్ అవుతున్నారు ? అని మరొకరు ప్రశ్నించారు. దీనిపై స్పందిస్తూ… ‘ఈ ప్రాజెక్టులలో తాను భాగం కావడం నాకు చాలా హ్యాపీగా ఉంది’ అంటూ స్పందించింది శృతి. కాగా ప్రస్తుతం ప్రశాంత్ నీల్ దర్శకత్వంలో తెరకెక్కనున్న పాన్ ఇండియా యాక్షన్ మూవీ ‘సలార్’ లో ప్రభాస్ సరసన శృతి హాసన్ నటిస్తున్న విషయం తెలిసిందే.