టాప్ లో దూసుకుపోతున్న ముఖేష్ అంబానీ

ప్రముఖ భారతీయ పారిశ్రామిక వేత్త ప్రపంచంలోనే అత్యంత ధనవంతుడుగా దూసుకుపోతున్నాడు. అతనే ముఖేష్ అంబానీ. తాజాగా ‘హరున్ గ్లోబల్ రిచ్ లిస్ట్ 2021’ జాబితాలో రిలయన్స్ ఇండస్ట్రీస్ చైర్మన్ ముఖేష్ అంబానీ ఎనిమిదో స్థానంలో నిలవడం విశేషంగా చెప్పవచ్చు. హరున్ గ్లోబల్ రిచ్ లిస్ట్ 2021 ధనవంతుల జాబితాను తాజాగా ఆ సంస్థ రిలీజ్ చేసింది. ముఖేష్ అంబానీ మొత్తం సంపద గత ఏడాది కాలంలో 24 శాతం పెరిగి 83 బిలియన్ డాలర్లకు అంటే(సుమారు రూ .6.09 లక్షల కోట్లు) చేరుకున్నట్లు నివేదిక వెల్లడించింది.
అయితే ఈ మధ్య చైనా జాంగ్ షాన్షాన్ ఈ వారంలో 22 బిలియన్ డాలర్లను కోల్పోయిన తర్వాత ముఖేష్ అంబానీ ఆసియాలోనే అత్యంత ధనవంతుడుగా దూసుకుపోతున్నాడు. అలాగే గత సంవత్సర కాలంగా కరోనా ఆర్థిక వ్యస్థను ఛిన్నాభిన్నం చేయడంతో గత సంవత్సరం కాలంగా 412 మంది బిలియనీర్లు ప్రపంచ వ్యాప్తంగా పుట్టుకొచ్చినట్టు తెలుస్తోంది. కాగా హరున్ వెల్లడించిన జాబితా ప్రకారం.. దాదాపు ప్రతి వారం 8 మంది కొత్తగా బిలియనీర్లుగా పుట్టుకొస్తున్నట్లు తెలుస్తోంది. వారిలో భారత్ నుంచి ఒకరు ఉంటున్నారని కూడా హరున్ తెలిపింది.