క్రికెట్ కోచింగ్ ఇవ్వబోతున్న సూపర్ స్టార్
టాలీవుడ్ సూపర్ స్టార్ మహేశ్ బాబు త్వరలోనే క్రికెట్ కోచింగ్ ఇవ్వనున్నాడు. ఎఎంబి మాల్ పెట్టి థియేటర్ బిజినెస్ లోకి ప్రవేశించినట్లుగానే క్రికెట్ కోచింగ్ సెంటర్ ఏమైనా పెట్టిబోతున్నాడా అనే సందేహం కలగవచ్చు. అయితే అలాంటిదేం.. లేదు. అనిల్ రావిపూడి సినిమాలో మహేశ్ క్రికెట్ కోచ్ గా కనిపించనున్నట్లు టాక్ నడుస్తోంది. ప్రస్తుతం మహేశ్ ‘సర్కార్ వారి పాట’, అనిల్ ‘ఎఫ్ -3’ షూటింగ్ లలో బిజీగా ఉన్నారు. ఆ సినిమాలు పూర్తికాగానే తమ ఇద్దరి కాంబినేషన్ లో రెండో సినిమాని సెట్స్ కు తీసుకు వెళ్లనున్నారని తెలుస్తోంది. ఇందులో మహేశ్ ను అనిల్ రావిపూడి ఇప్పటివరకూ ఎవరూ చూపించనటువంటి పాత్రలో చూపించబోతున్నారని కూడా వినిపిస్తుంది.
ముఖ్యంగా ‘సరిలేరు..నీకెవ్వరు’ లో మహేష్ ని ఆర్మీ ఆఫీసర్ గా చూపించిన అనీల్ రాబోయే సినిమాలో క్రికెట్ కోచ్ గా ప్రెజెంట్ చేయబోతున్నారని తెలుస్తోంది. కాగా ఈ పాత్ర మహేష్ కి కూడా నచ్చిందని కూడా టాక్ బయటకు వస్తుంది. ఇది పూర్తిగా అనిల్ రావిపూడి టైప్ లో ఎంటర్ టైన్ మెంట్ ప్రధానంగా ఉంటుందని కూడా సమాచారం. మరి మహేష్ ను క్రికెట్ కోచ్ గా ఎలా రిసీవ్ చేసుకుంటారు అనేది చూడాలి.