కాశ్మీర్ లో బాలీవుడ్ అందం…!
ఎదగాలన్న మంచి కసి ఉన్న బాలీవుడ్ బ్యూటీ విద్యాబాలన్. బక్కపల్చటి భామల హవా కొనసాగే బాలీవుడ్ లో ఆమె భారీకాయంతో ఉన్నా పోరాడి గెలిచిన వీరనారీమణి. అంతే భారీగా తన సినిమాలతో బాక్సాఫీస్ విజయాలు కూడా అందుకుంది. ‘డర్టీ పిక్చర్’ టాలెంటెడ్ బ్యూటీ రీసెంట్ గా ‘షేర్నీ’గా బరిలోకి దిగింది. పులినే ఢీకొట్టే ఫారెస్ట్ ఆఫీసర్ గా దట్టమైన అడవిలో తన సత్తా చాటింది.
అయితే విద్యా బాలన్ రొటీన్ గా అందరిలాంటి బాలీవుడ్ హీరోయిన్ అయితే కాదు. ఆమె గుండెల నిండా నిరంతరం అంతర్లీనంగా జ్వలించే వీరనారి. అందుకే.. ఓ ఫైరింగ్ రేంజ్ కే ఆమె పేరుని పెట్టేశారు ఇండియన్ ఆర్మీ అధికారులు. కాశ్మీర్ లోని ‘గుల్ మార్గ్’లో ఇప్పుడు ఓ ఫైరింగ్ రేంజ్ ‘విద్యా బాలన్ ఫైరింగ్ రేంజ్’గా పిలవబడుతోంది. కొన్నాళ్ల క్రితం విద్యా ‘గుల్ మార్గ్ వింటర్ ఫెస్టివల్’లో కూడా ఆర్మీ జవాన్లతో కలసి ఓ కార్యక్రమంలో పాల్గొంది. ఆమె నటిగా, వ్యక్తిగా ఎందరికో, ఎన్నో విధాలుగా ప్రేరణనిస్తుండటంతో ఇండియన్ ఆర్మీ తన పేరుని ఓ ఫైరింగ్ రేంజ్ కి పెట్టుకోవడం విశేషం. కాగా ఇలాంటి పరిణామంతో.. ఇప్పుడున్న బాలీవుడ్ హీరోయిన్ల కంటే విద్యాబాలన్ ఎంతో స్పెషల్ గా దూసుకుపోతుంది అనే చెప్పాలి.