ఆర్టికల్ 15 రీమేక్ లో యువ ఎమ్మెల్యే…!
కోలీవుడ్ స్టార్ హీరో ఉదయనిధి స్టాలిన్ నిర్మాత నుంచి హీరోగా మారిన విషయం తెలిసిందే. అయితే ఈ మధ్య ఈ హీరో ‘సైకో’ సినిమాతో ప్రేక్షకుల ముందుకు వచ్చాడు. అదితి రావు హైదరి హీరోయిన్ గా నటించిన ఈ సినిమాలో గుడ్డివాడి పాత్ర పోషించాడు. ప్రస్తుతం ఈ యంగ్ హీరో తమిళనాడులో ఎమ్మెల్యేగా బాధ్యతలు నిర్వహిస్తున్న విషయం తెలిసిందే. రీసెంట్ గా తమిళనాడులో జరిగిన ఎన్నికల్లో చెపౌక్-ట్రిప్లికేన్ నియోజకవర్గానికి ఎమ్మెల్యేగా ఎన్నికయ్యారు. అలాగే ఈ యువ ఎమ్మెల్యే త్వరలోనే మరో మూవీతో ప్రేక్షకులను అలరించడానికి రెడీ అవుతున్నాడు.
అదేమంటే… డైరెక్టర్ అరుణరాజా కామరాజ్ దర్శకత్వం వహించిన హిందీ సినిమా ‘ఆర్టికల్ 15’ తమిళంలో రీమేక్ కాబోతోంది. ఇందులో స్టాలిన్ హీరోగా కనిపించనున్నారు. రాజకీయాల్లో చురుకుగా ఉన్న ఉదయనిధి స్టాలిన్ మళ్ళీ సినిమాల్లో నటించడానికి కొంత సమయం కేటాయించబోతున్నట్లు తెలుస్తోంది. అందులో భాగంగా ‘ఆర్టికల్ 15’ తమిళ రీమేక్ షూటింగ్ ను ఆగస్టు చివరి నాటికి తిరిగి ప్రారంభిస్తారని సమాచారం. కాగా ఈ రీమేక్లో శివానీ రాజశేఖర్ కీలక పాత్ర పోషిస్తున్నారు. దర్శకుడు మాగిజ్ తిరుమేనితో కలిసి మరో సినిమాలో కూడా నటిస్తున్నారు ఉదయనిధి స్టాలిన్. అయితే ఇది గతేడాది నవంబర్ నుంచే షూటింగ్ జరుపుకుంటుంది.