ఆర్జీవీతో బిగ్ బాస్ బ్యూటీ వర్కవుట్స్…..

సంచలనాత్మక దర్శకుడు రామ్ గోపాల్ వర్మ ఏం చేసినా అది వపరీతంగా వైరల్ అవుతుంది. ఆ ట్వీట్ చేసినా… ఏం మాట్లాడినా… ఏం షేర్ చేసినా అదేమిటో గానీ దానికి అంత క్రేజ్, ప్రాధాన్యత ఉంటుంది. తాజాగా బిగ్ బాస్ బ్యూటీతో కలిసి వర్మ షేర్ చేసిన పిక్ ఒకటి హాట్ టాపిక్ గా మారింది. ఆ పిక్ లో వర్మ, బిగ్ బాస్ బ్యూటీ ఇద్దరూ జిమ్ లో వర్కౌట్లు చేస్తున్నట్టు చూపరులకు కనువిందు చేస్తున్నారు.
అయితే ఆర్జీవీ ఈ విషయాన్ని ట్వీట్ ద్వారా వెల్లడించారు. ఆయన ఏమన్నారు అంటే.. ‘బిగ్ బాస్ లిటిల్ గర్ల్ అరియనా గ్లోరీ నన్ను జిమ్ లో ఇంటర్వ్యూ చేయడానికి వచ్చింది. ఇంటర్వ్యూ అయ్యాక ఇద్దరం కలిసి వర్కౌట్లు చేశాం… కమింగ్ సూన్” అంటూ అరియనాతో జిమ్ లో వర్కౌట్ చేస్తున్న పిక్ పోస్ట్ చేశాడు రామ్ గోపాల్ వర్మ. ఈ పిక్ ఇప్పుడు వైరల్ గా మారింది. ఇంకేముంది నెటిజన్లు ఈ పిక్ పై రకరకాల కామెంట్స్ వస్తున్నాయి. అలాగే యాంకర్ గా అరియనా కెరీర్ ను మలుపు తిప్పింది రామ్ గోపాల్ వర్మ అని చెప్పవచ్చు. ఎందుకంటే గతంలో వర్మను అరియనా ఇంటర్వ్యూ చేయగా… ఆ సమయంలో అరియనాపై ఆయన చేసిన కామెంట్లు తెగ వైరల్ అయ్యాయి. దీంతో అరియనాకు క్రేజ్ రావడం… బిగ్ బాస్ లో ఛాన్స్ రావడం వెంట వెంటనే జరిగిపోయాయి. కాగా అరియనా బిగ్ బాస్ కంటెస్టెంట్ గా ఉన్నప్పుడు కూడా వర్మ తనకు సపోర్ట్ చేశాడు. బిగ్ బాస్ లో చివరిదాకా కొనసాగి భారీగా అభిమానులను అరియనా సొంతం చేసుకున్న విషయం తెలిసిందే.