ఆర్ఆర్ఆర్ నుంచి ఉగాది స్పెషల్ పోస్టర్

టాలీవుడ్ బాహుబలి డైరెక్టర్ రాజమౌళి ఎంతో ప్రతిష్టాత్మకంగా తెరకెక్కిస్తున్న తాజాగా సినిమా ఆర్ఆర్ఆర్. మెగా పవర్స్టార్ రామ్చరణ్, యంగ్ టైగర్ ఎన్టీఆర్ కాంబినేషన్ లో తెరకెక్కుతున్న క్రేజీ పాన్ ఇండియా మల్టీస్టారర్ ‘ఆర్ఆర్ఆర్’`. ఈ సినిమాలో అల్లూరి సీతారామరాజుగా రామ్ చరణ్ నటిస్తుండగా… చరణ్ కు జోడిగా అలియా ‘సీత’ పాత్రలో నటిస్తున్న విషయం తెలిసిందే. అయితే కొమరం భీం పాత్రలో ఎన్టీఆర్ నటిస్తుండగా… ఎన్టీఆర్ కు జోడిగా ఒలీవియా మోరిస్ నటిస్తోంది.
అయితే తాజాగా ఈ సినిమా నుంచి ఉగాది సందర్భంగా స్పెషల్ పోస్టర్ ను రిలీజ్ చేసి ఫ్యాన్స్ ను మంచి ట్రీట్ ఇచ్చింది సినిమా టీం. అయితే ఈ పోస్టర్ ను ఉగాది శుభాకాంక్షలు తెలియజేస్తూ ఎన్టీఆర్ రిలీజ్ చేశారు. పోస్టర్ లో కొమురం భీం, సీతారామరాజు సంబరాల్లో పాల్గొంటున్నట్టుగా తెలుస్తోంది. కాగా ఈ సినిమా షూటింగ్ శరవేగంగా జరుగుతోంది. 2021 అక్టోబర్ 13న రిలీజ్ కానున్న ఈ సినిమాపై భారీ అంచనాలు నెలకొన్నాయి. ‘ఆర్ఆర్ఆర్’ నుంచి విడుదలౌతున్న పోస్టర్స్ అభిమానుల్లో భారీ అంచనాలను రేపుతుంది. ఎంతో ప్రతిష్టాత్మకంగా భారీ బడ్జెట్ తో డివివి దానయ్య నిర్మిస్తున్న ఈ సినిమాలో అజయ్ దేవగన్, సముద్రఖని, రే స్టీవెన్సన్, అలిసన్ డూడి, శ్రియ శరన్ తదితరులు కీలకపాత్రను పోషిస్తున్నారు. కాగా కీరవాణి ‘ఆర్ఆర్ఆర్’కు సంగీత సారథ్యం వహిస్తున్న విషయం తెలిసిందే.

Leave a Reply

Your email address will not be published. Required fields are marked *