ఆనందయ్యకు జగపతి బాబు మద్దతు….

ఆంధ్రప్రదేశ్ లోని నెల్లూరు జిల్లాకు చెందిన ఆనందయ్య ఇస్తున్న నాటు మందును ఆయుర్వేదం ఖాతాలో వేయాలా? వద్దా? అని ప్రభుత్వం, వైద్య అధికారులు చాలా తీవ్రంగా కష్టపడుతున్నారు. అయితే ఆ లెక్కలేమీ ఓ కొలిక్కి రావడం లేదు. కానీ ఆమందుపై నమ్మకంతో లక్షలాది మంది కరోనా బారి నుంచి బయట పడటానికి అదే కరెక్ట్ అని అంటున్నారు. అయితే ఆ మందు వేసుకున్న తర్వాత పర్యవసానం ఎలా ఉన్నా అది వేసుకొనేందుకే రెడీ అయ్యారు.
అయితే ఇలాంటి ఈ సందిగ్థావస్థలో ప్రముఖ నటుడు జగపతిబాబు మాత్రం ఆనందయ్య పక్షాన నిలిచారు. ఆయన సోషల్ మీడియా ద్వారా ఆనందయ్యను సపోర్ట్ చేస్తూ ఓ ట్వీట్ చేశారు. ‘ఆనందయ్యను చూస్తుంటే తల్లి ప్రకృతి మనల్ని రక్షించడానికి ఆయన రూపంలో వచ్చిందనిపిస్తోంది. ఆనందయ్యగారి వైద్యానికి అధికారిక అనుమతి రావాలని ప్రార్థిస్తున్నాను. అదే ఈ ప్రపంచాన్ని కాపాడాలి. ఆ విధంగా దేవుడు ఆయన్ని ఆశీర్వదించాలి’ అని జగపతిబాబు తెలిపారు. కాగా జగపతిబాబు వ్యాఖ్యలను కొందరు సమర్థిస్తుంటే, మరికొందరు మాత్రం ఇలాంటి వాటిని మీలాంటి వారు సమర్థించడం మంచిది కాదని సూచిస్తున్నారు.