ఆచార్య నుంచి రొమాంటిక్ స్టిల్ రిలీజ్
మెగాస్టార్ చిరంజీవి హీరోగా కొరటాల శివ దర్శకత్వంలో నక్సలిజం నేపథ్యంలో తెరకెక్కుతున్న భారీ యాక్షన్ ఎంటర్టైనర్ ‘ఆచార్య’. అయితే ఈ సినిమాలో కాజల్ హీరోయిన్ గా నటిస్తున్న విషయం తెలిసిందే. అంతేకాకుండా రామ్ చరణ్, పూజాహెగ్డే కీలక పాత్రలను పోషిస్తున్నారు కూడా.
అయితే ఈ ఉగాది పర్వదినం సందర్భంగా ఈరోజు ‘ఆచార్య’ నుంచి సిద్ధ, నీలాంబరిల లవ్ స్టోరీని రివీల్ చేసింది చిత్ర యూనిట్. సిద్ధ, నీలాంబరిల ప్రేమ షడ్రుచుల సమ్మేళనం అంటూ రామ్ చరణ్, పూజాహెగ్డేల రొమాంటిక్ స్టిల్ ను విడుదల చేశారు. కాగా ఈ సినిమాను కొణిదెల ప్రొడక్షన్స్, మ్యాట్నీ ఎంటర్టైన్మెంట్ బ్యానర్లపై నిరంజన్ రెడ్డి, రామ్ చరణ్ సంయుక్తంగా నిర్మిస్తున్నారు. ఈ సినిమాకు మణిశర్మ సంగీతం అందిస్తుండగా.. ఇప్పటికే ఈ సినిమా నుంచి విడుదలైన ‘లాహే లాహే’ అనే సాంగ్ విడుదలై మంచి రెస్పాన్స్ తెచ్చుకుంది. కాగా మెగా స్టార్, మెగా పవర్ స్టార్… ఇద్దరినీ ఒకే స్క్రీన్ పై చూసే అవకాశం ఈ సినిమా ద్వారా లభించనుండటంతో ఫ్యాన్స్ లో సరికొత్త క్రేజ్ క్రియేట్ అయింది.